Татар теле атналыгы уңаеннан, ана теле укытучысы Гималтдинова Динә Миназим кызы 5А һәм 5Б класс укучылары арасында "Тамчы-шоу" бәйгесе үткәрде. Укучылар теләп катнаштылар. Уен биш турдан оештырылган. "Кем зирәгрәк?” дип аталган беренче турда экранга хәрефләр күрсәтеп, игътибарлык сыналды. Икенче тур "Кем җитезрәк?”, монда укучыларга татар теле буенча сораулар бирелде, алар тизлеккә җавап бирделәр. Өченче тур барышында укучылар "ташбака" дигән сүздән мөмкин кадәр күбрәк сүз төзеделәр. Дүртенче турда капитаннар ярышты. Алар үзләренең командасына өстәмә баллар алдылар. Уенның соңгы турында "Туган тел” җырын оста башкаруларын күрсәттеләр. Нәтиҗәдә 5Б класс укучылары җиңү яулады. Жюри әгъзалары 9-10 класс укучылары иде. Уен ахырында мәктәпнең татар теле укытучысы Шайдуллина Гөлсирә Минсәет кызы укучыларга алга таба да уңышлар теләде. Бу "Тамчы-шоу” уены балаларның танып-белү эшчәнлеген үстерергә, белемгә булган ихтыяҗларын канәгатьләндерергә, татар теленнән белемнәрен тирәнәйтергә ярдәм итте.