Күптән түгел генә мәктәпкә "Яңа гасыр” каналының "Тамчы шоу” тапшыруыннан хат килде. Анда Тукай мәктәбе укучыларын "Тамчы шоу” бәйгесенә катнашырга чакыру язылган иде. Бәйге  апрель аенда үтәчәк. Укучылар һәм аларны әйдәп баручылар бәйгегә әзерлек эшләре алып баралар. Шоу-уенда катнашучылар - 6-8нче сыйныф укучылары - география, әдәбият, сәнгать, татар мәдәнияте һәм тарихы буенча белемнәрен күрсәтергә тиеш. Алар әле шулай ук видеотабышмакны белергә, бирелгән бер озын сүздән мөмкин кадәр күбрәк сүз төзергә тиеш. Капитаннар конкурсында команда җитәкчеләре үзләренең командалары өчен өстәмә очколар яулый. Бу турда алар мәкальләрне, әйтемнәрне һәм фразеологизмнарны яхшы белүләрен күрсәтәләр. Белемнәреннән кала алар әле тапкырлыкта да сынатмаска тиеш була.